L’ultum lavurir ed Gianfranco Pioli ( ‘Al Biand Mat’ c’al dscarr in spagnol mo l’è emilian d’uregin cumpagn a me ), ch’la scrett tott i piz, al taca con una Rumba Guaguanco ‘par sul seri’ mo in Italian; dap la vein la Selsa ‘Acua frasca’, un mutivatt ch’al piès sobit , fazil da balèr….danca al pèr fat aposta pr’i baladur estiv ch’i van a tachèr. Al piz nomer tri l’e’ la Bachata ‘ Le vals la panna’ , invezi con ‘Tia Maria’ andan a tuchèr al ritmo d’la Cumbia. Un èter piz stran , l’e’ ‘Cha Charanga’ ch’al mett insamm – appont – al ChaChaCha con qual d’la Charanga ( al sona al flauto Y.E.Chavez): anch’ quasta una canzan cla va’ ed gigett pr’al bal. ‘Al mant ’ l’e’ una rivisitazion in stil naziunalpopulèr di ‘Andann invatta a la muntagna’ di E. Palmieri; bisagna anch dir che ‘Mamaguana’ as bala proprii bain tott insamm! Al desch al finess con tri versian ed ‘Al ritmo dal cor’ : onna ed quasti la s’adata anch par i baladur indov an’s bala brisa la musica laténamerichèna.
I bajuch li an tirè fora Charly Schivo e Al Biand Mat e il cd l’e’ in giro anche grazie a la ‘Fonola’.
(Al dura quarantot minut ) .
Ste compact disc al s’ pol anch catèr da WWW.CDSALSA.IT samper par chi dis euro.
http://www.ciccioweb.it/vocabolario/a.htm
RobertoRabbi (roberto@salsa.it)
Lascia un commento